Mae Marathon Llundain yn ras enwog sy’n cynnwys dros 40,000 o redwyr bob blwyddyn. Mae’r cwrs 26.2 milltir trawiadol yn pasio rhai o atyniadau mwyaf Llundain, gan gynnwys Tŵr Llundain, y London Eye a Phalas Buckingham.
Yn dilyn cais trawiadol, coronwyd Amy Davidson o Ben-y-bont ar Ogwr yn enillydd lwcus ar gyfer cael lle yn ras 2019.
Wrth iddi baratoi i gynrychioli digartrefedd yng Nghymru, dyma ychydig mwy am Amy a sut mae ei hyfforddiant marathon yn dod yn ei flaen.
“Mae fy mam wedi gwirfoddoli gyda thîm allgymorth The Wallich ers tua 7 mlynedd gan helpu gyda’r Brecwast Rhedeg ar benwythnosau ym Mhen-y-bont ar Ogwr, felly ro’n ni’n gwybod am gwaith hollbwysig The Wallich.
Pan redais Hanner Marathon Caerdydd ym mis Hydref cefais fy synnu gan y nifer o bobl ddigartref oedd i’w gweld yn y brifddinas ac o’i chwmpas. Roeddwn i eisiau gallu defnyddio fy ras nesaf i godi ymwybyddiaeth ac i godi arian i atal hyn”
“Rydw i wedi cynnal neu drefnu amrywiaeth o ddigwyddiadau – gwerthu cacennau, rafflau, nosweithiau cwis ac ati.
Ym mis Mawrth rwy’n cynnal #MarchMarathon – ras rhithwir. Mis Mawrth fydd y mis allweddol lle rydw i wir yn cynyddu’r milltiroedd i baratoi ar gyfer Marathon Llundain ddiwedd mis Ebrill.
Rwy’n gofyn i ffrindiau, teulu a chydweithwyr ymuno â fi i redeg, loncian neu gerdded 26.2 milltir drwy gydol mis Mawrth – does dim angen gwneud hynny mewn 1 tro, gallwch wneud llai na milltir y dydd.
Bydd pawb sy’n cwblhau’r her yn cael medal anhygoel am eu gwaith caled!! (os hoffai unrhyw un gymryd rhan cysylltwch â fi) “.
“Gall pobl gyfrannu drwy’r dudalen Just Giving neu drwy ddod i un o’r digwyddiadau”.
“Rwy’n rhedeg yn rheolaidd. Rwy’n rhedeg gyda’r Pencoed Panthers.
Y llynedd, fe wnes i gwblhau pedwar hanner marathon ac rwy’n cynnal fy lefelau ffitrwydd drwy redeg 10+ milltir bron bob penwythnos, yn ogystal â rhedeg 3-4 gwaith yr wythnos.
Rwyf hefyd yn cymryd rhan yn Parkrun Porthcawl yn rheolaidd.
I gwblhau’r marathon rwy’n dilyn cynllun. Mae’n gynllun 16 wythnos ac mae’n cynnwys cynyddu’r pellter rwy’n ei redeg ar y penwythnos tua milltir yr wythnos (ar hyn o bryd mae hyd at 14 milltir). Rwyf hefyd wedi cynyddu fy hyfforddiant yn ystod yr wythnos gan ychwanegu sesiynau pellter ac ymdrech ychwanegol.
Rwyf wedi dechrau mynd i ddosbarth Pilates i sicrhau bod fy nghorff yn gallu adfer”
“Mae fy hyfforddiant yn mynd yn wych. Dwi mor falch o fod yn rhedeg Marathon Llundain.
Ar ddiwedd mis Ionawr, fel y rhan fwyaf o’r wlad, cefais fy llorio gan annwyd ofnadwy ac ar ôl dechrau teimlo’n well, dwi’n barod i ddechrau rhedeg mwy o filltiroedd.
Ar 10fed Chwefror, gwisgais fy fest Wallich a rhoi cynnig ar hanner marathon Llanelli “.
“Mae pawb rydw i wedi siarad â nhw sydd wedi cwblhau Marathon Llundain yn dweud ei fod yn brofiad unwaith mewn oes.
Alla i ddim aros i gymryd rhan a thicio’r blwch oddi ar fy rhestr fwced. Ond yn fwyaf pwysig, codi cymaint o arian â phosibl i helpu i gefnogi ac atal digartrefedd yng Nghymru”.
Os hoffech ddilyn taith hyfforddi Amy neu gael gwybod am unrhyw un o’i digwyddiadau / heriau, dilynwch ei sianeli cymdeithasol.
Twitter – @AmyVLM2019
Instagram – @AmyVLM2019
Cyfrannwch nawr a helpwch Amy i gyrraedd ei tharged o £1,500
Ydych chi am roi cynnig ar her newydd i godi arian ar gyfer elusen ddigartrefedd? Ewch i’n tudalen Codi arian neu e-bostiwch dosomething@thewallich.net nawr.