“Gyda’r bygythiad oddi wrth COVID-19, mae peryglon cysgu ar y stryd wedi cynyddu. Fel sector, mae’r Wallich ac elusennau digartrefedd eraill wedi bod yn gweithio’n ddiwyd i sicrhau bod gan bawb fynediad cyfartal at wybodaeth am y firws – p’un ai ydyn nhw mewn hosteli neu’n cysgu ar y stryd. I bobl sy’n cysgu ar y stryd ar hyn o bryd, sydd efallai wedi datgysylltu mwy nag arfer o’r newyddion a’r cyngor y mae llawer ohonom yn ei dderbyn, ein blaenoriaeth yw sicrhau bod pawb yn ddiogel.
“Rydyn ni’n cylchredeg dim ond y cyngor, ac yn dilyn y prosesau, sydd wedi eu cymeradwyo gan Lywodraeth Cymru ac Iechyd Cyhoeddus Cymru. Rydyn ni’n gyfrifol am sicrhau bod y wybodaeth a roddwn i bobl yn briodol a byddwn yn gweithio mewn cydweithrediad â grŵp bach, gan gynnwys Llywodraeth Cymru, Cymorth Cymru ac asiantaethau eraill yn y sector, i wneud yn siŵr ein bod i gyd ar yr un dudalen. Rydyn ni’n cyfathrebu’n rheolaidd â’n staff, gwirfoddolwyr, defnyddwyr gwasanaeth a’r sector yn gyffredinol.
“Mae ein timau’n annog pobl ar y stryd i olchi eu dwylo’r un mor rheolaidd â phawb arall ac yn darparu hylif diheintio dwylo i rai nad oes ganddynt fynediad at ddŵr a sebon. Bydden ni’n annog yr holl gyfleusterau golchi dwylo cyhoeddus i sicrhau bod gan bob dinesydd, gan gynnwys pobl ddigartref, hawl i olchi eu dwylo ac amddiffyn eu hunain rhag y firws hwn.
“Gall bod yn ddigartref fod yn brofiad unig ac ynysig iawn – gallai hyn waethygu. Ni ddylai fod gan bobl ofn ymgysylltu â phobl sy’n cysgu ar y stryd, byddwch yn gall ond yn dosturiol.”
Cyhoeddwyd y dyfyniad hwn hefyd ar WalesOnline – ‘These are the steps being taken to protect homeless people from coronavirus’ ym mis Mawrth 2019
