Gaeaf yn llawn trobwyntiau: Codi £56,270 i gefnogi pobl sy’n wynebu digartrefedd

Diolch i haelioni a thrugaredd cefnogwyr ledled Cymru, mae The Wallich wedi gallu cefnogi 4,014 o bobl ar draws Cymru’r gaeaf hwn.

Roedd yr ymgyrch, a lansiwyd ar Ddiwrnod Digartrefedd y Byd ar 10 Hydref 2025, yn galw ar gymunedau i fod yn drobwynt i bobl mewn argyfwng – gan gynnig ymyriadau bychain ond hanfodol sy’n gallu gwneud gwahaniaeth mawr i fywyd unigolyn.

Mae’r ymdrech arbennig hwn yn golygu bod mwy o bobl wedi gallu symud o ansefydlogrwydd i dai diogel, cael mynediad i wasanaethau hanfodol, ac adennill gobaith yn ystod un o gyfnodau mwyaf heriol y flwyddyn.

Cyfanswm a godwyd: £56,270

I ble mae eich arian yn mynd

Bydd yr arian a godwyd yn mynd tuag at waith hanfodol The Wallich i gefnogi pobl sy’n ddigartref ar hyn o bryd, mewn perygl o fod yn ddigartref, neu’n byw mewn tai bregus.

Mae hyn yn cynnwys cymorth uniongyrchol i bobl drwy grantiau argyfwng, gwasanaethau allgymorth a darpariaethau ymarferol sy’n gallu newid bywydau ar adegau tyngedfennol.

Dros y Nadolig, fe lwyddon ni i ddarparu pryd o fwyd Nadoligaidd ac anrheg i ddefnyddwyr ein gwasanaethau.

Y gaeaf hwn

• Derbyniodd mwy na 2,000 o bobl anrheg Nadolig
• Cafodd 2,593 o bobl eu cefnogi gan dimau rheng flaen rhwng mis Hydref a mis Ionawr

Rhoddwyd grantiau i bobl ledled Cymru i leddfu costau byw.

Fe wnaethom ni helpu pobl i fynd i’r afael â dyled, disodli eitemau cartref a oedd wedi torri, helpu pobl i symud i mewn i’w cartrefi eu hunain, talu am fathau o ddogfen adnabod, helpu pobl i gael gwaith, rhoi bwyd ar y bwrdd a darparu hanfodion ar gyfer eu plant.

Heb yr haelioni a ddangoswyd eleni, byddai llawer mwy o bobl wedi wynebu’r gaeaf heb gymorth a chysylltiad hanfodol.

Unigolion hael

O roddion cyn lleied â £2 i roddion mwy, camodd unigolion o bob cefndir i’r adwy i wneud gwahaniaeth.

Rhoddodd 400 o unigolion hael rodd untro neu drefnu rhodd rheolaidd i The Wallich eleni.

Roedd 63% o’r cefnogwyr yn newydd i The Wallich.

Roedd nifer yn rhoi ar-lein, mewn digwyddiadau lleol, trwy gasgliadau bwced yn y gymuned, neu’n gwneud addewid am gymorth misol.

Mae pob rhodd yn golygu bod The Wallich yn gallu bod yno i bobl yng Nghymru, pryd bynnag y byddant angen cymorth.

Raffl gaeaf The Wallich

Roedd y gwobrau ar gyfer raffl gaeaf The Wallich 2025 yn cynnwys £250 o dalebau M&S, hamperi moethus, tocynnau i wylio Josh Widdicombe, talebau am deithiau dydd i’r teulu, arosiadau mewn gwestai a llawer mwy.

Cafodd llawer o’r gwobrau eu rhoi’n hael gan sefydliadau ledled Cymru gan gynnwys Savills, Azets UK, Darwin Gray a Thomas Carroll.

Gyda chymorth ein gwerthwyr cymunedol gwych, fe wnaethom ni werthu 1124 o docynnau gan godi cyfanswm o £2,248.

Os wnaethoch chi brynu tocyn, gallwch ddod o hyd i restr lawn o’r holl enillwyr ar ein gwefan.

Cymorth cymunedol

Daeth cymunedau ledled Cymru ynghyd i gefnogi pobl sy’n wynebu digartrefedd ar yr adeg yr oedd fwyaf ei angen.

Rydym ni’n hynod o ddiolchgar i bob grŵp, sefydliad ac unigolyn sydd wedi ein cefnogi dros y gaeaf hwn. Mae eich caredigrwydd, eich amser a’ch egni wedi gwneud gwahaniaeth gwirioneddol.

Dyma rai o’r grwpiau cymunedol gwych a fu’n ein cefnogi eleni:

• Bu Ysgol Gatholig y Santes Fair ym Mhen-y-bont yn casglu bwyd ar gyfer eu Rhoddion Cynhaeaf i bobl a oedd yn byw ar y stryd ym Mhen-y-bont.
• Cododd y micro fragdy, Bragdy Cybi yng Nghaergybi dros £200 yn eu noson ‘Bôbls a Bybls’.
• Bu Sefydliad y Merched Maerun yn gwerthu cacennau ac yn cynnal raffl, gan godi £753.10.
• Sim, Raj a Veer – teulu a roddodd nifer fawr o eitemau mawr eu hangen gan gynnwys sachau cysgu, dillad isaf, a ‘Pot Noodles’ i Bridgend Solutions.
• Rhoddodd Eglwys y Drindod ym Mhen-y-bont ar Ogwr £166, yn ogystal ag eitemau ymolchi, byrbrydau, tuniau, hetiau a menig
• Bu SPARK Prifysgol Caerdydd – Canolfan Ymchwil Gofal Cymdeithasol i Oedolion CARE yn gwerthu cacennau, gan godi £314.95.
• Rhoddodd Ysgol yr Archesgob, Pen-y-bont rodd sylweddol o fwyd, dillad a deunyddiau ymolchi.
• Cododd grŵp Cardiff Canton Singers dros £130 yn ystod taith o gwmpas tafarndai ym Mhontcanna.

Partneriaid corfforaethol yn gwneud gwahaniaeth

Derbyniodd yr ymgyrch gefnogaeth gan rwydwaith bwerus o gefnogwyr corfforaethol y mae eu cyfraniadau wedi helpu i ehangu ei gyrhaeddiad a’i effaith.

Dyma rai o’r sefydliadau gwych sydd wedi ein cefnogi eleni:

• Rhoddodd Dunraven Windows 12 bag cefn yn cynnwys hwdis, hetiau, sachau cysgu ac ati i Bridgend Solutions
• Rhoddodd bwyty Catch 22 ar Ynys Môn 27 Cinio Nadolig i Tai yn Gyntaf Ynys Môn
• Rhoddodd Kirby Group swm anhygoel o £10,000
• Rhoddodd Scottish Power rodd garedig o £5,000
• Rhoddodd British Gas rodd arbennig o £3,000
• Bu Rasoi yn Abertawe yn gweini prydau bwyd i breswylwyr Gorwelion a Thŷ Tom Jones
• Rhoddodd Devils Caerdydd 40 o deganau meddal i ABBA Pen-y-bont ar Ogwr o’u diwrnod Air the Bear
• Rhoddodd Dogs Trust 35 o anrhegion i gŵn yng Ngwasanaethau Cymorth Ynys Môn
• Cododd 13 o siopau Specsavers dros £1,600

Mae eu haelioni nid yn unig wedi hybu cyfanswm yr arian a godwyd, ond hefyd wedi helpu i ddod â chymorth hanfodol yn uniongyrchol i’r bobl sydd mewn angen.

Meddai Louisa Turner, Pennaeth Codi Arian ar ran The Wallich,

“Rydym wedi cael ein syfrdanu gan haelioni ein cefnogwyr – unigolion, busnesau a grwpiau cymunedol fel ei gilydd.

Mae nifer enfawr o bobl wedi cefnogi Apêl Gaeaf The Wallich yn 2025.

Mae’r caredigrwydd a ddangoswyd gan ein cefnogwyr, bod hynny drwy roddion ariannol neu fwyd a dillad, eisoes wedi gwella’r gefnogaeth yr ydym yn ei darparu i’r rhai sy’n profi digartrefedd ar draws Cymru yn ystod misoedd oeraf y gaeaf, a bydd yn parhau i atgyfnerthu ein cymorth.

Diolch i’n cymuned anhygoel o gefnogwyr sydd wedi dod ynghyd i’n helpu i ddod gam yn nes tuag at weld diwedd digartrefedd.”

Mae’r gefnogaeth yn parhau drwy’r flwyddyn

Er bod ymgyrch y gaeaf wedi dod i ben, mae’r angen am gymorth yn parhau drwy gydol y flwyddyn.

Mae gwasanaethau The Wallich yn gweithredu 365 diwrnod yr wythnos, gan helpu pobl i adael digartrefedd a datblygu sefydlogrwydd a gobaith at y dyfodol.

Ffyrdd i barhau i gefnogi