Mentora Cymheiriaid Gogledd Cymru

Gweithio gyda phobl sy’n defnyddio sylweddau yn Sir Ddinbych, Sir y Fflint ac Wrecsam

Bydd y cynllun peilot newydd a chyffrous hwn yn dod â thri Mentor Cymheiriaid i dair ardal wedi’u targedu ar draws Gogledd Cymru.

Bydd Mentoriaid Cymheiriaid yn

• Gwella eich rhwydwaith cefnogi a’ch sgiliau ymdopi
• Hybu ymgysylltiad â gwasanaethau sy’n gysylltiedig â chamddefnyddio sylweddau
• Meithrin ymddiriedaeth a bod yn agored ag Anogwyr Gwaith y Ganolfan Byd Gwaith
• Hyrwyddo gweithgareddau sy’n gysylltiedig â gwaith ac ymyriadau cefnogol eraill
• Uwchsgilio Staff y Ganolfan Byd Gwaith i adnabod pobl sy’n defnyddio sylweddau a gweithio gyda nhw

Mae pob Mentor Cymheiriaid yn darparu cefnogaeth ac arweiniad i bobl sy’n ddibynnol ar sylweddau naill ai yn y Rhyl, Shotton neu Wrecsam.

Y nod yw sicrhau bod pobl sy’n defnyddio sylweddau’n gallu goresgyn unrhyw rwystrau a symud i gyflogaeth gynaliadwy.

Bydd Mentoriaid Cymheiriaid a defnyddwyr gwasanaeth yn cael o leiaf wyth cyfarfod.

Beth i’w ddisgwyl

• Eiriolaeth
• Cyngor
• Cyfeirio at asiantaethau perthnasol eraill
• Mynediad at Hyfforddiant
• Mynediad at weithdai am ddatgeliadau positif y Gwasanaeth Datgelu a Gwahardd, ysgrifennu cv, sgiliau cyfweld a mwy
• Galw Heibio

Atgyfeirio

Gallwch atgyfeirio drwy eich Anogwr Gwaith mewn Canolfan Byd Gwaith, neu’n uniongyrchol drwy sefydliadau eraill yn y sector statudol a’r trydydd sector.

Ar ôl derbyn atgyfeiriad, byddwch yn cwrdd â’ch Mentor Cymheiriaid lleol i drafod eich sefyllfa a’ch amgylchiadau, a llunio cynllun cymorth personol.

Dros gyfnod o tua wyth wythnos, neu fwy os oes angen, byddwch yn cwrdd â’ch Mentor Cymheiriaid i weithio tuag at eich nodau.

Ariennir y gwasanaeth hwn gan yr Adran Gwaith a Phensiynau (DWP).

I gael rhagor o wybodaeth am y prosiect, neu i ofyn am wybodaeth am atgyfeirio, cysylltwch â ni

Wrecsam: PeerMentoringWrexham@thewallich.net

Rhyl: PeerMentoringRhyl@thewallich.net

Shotton: PeerMentoringShotton@thewallich.net