Mae nifer o bobl yn gorfod mynd heb bethau y Nadolig hwn – heb fwyd, heb gynhesrwydd a heb gymuned i’w cefnogi.
Rydyn ni eisiau sicrhau nad fel hyn y bydd hi i’r bobl rydyn ni’n eu cefnogi.
Mae preswylwyr a staff yn coginio cinio gyda’i gilydd ym mhob un o’n hostelau digartrefedd.
Yn aml iawn, nid oes gan y bobl sy’n byw mewn llety dros dro deulu a ffrindiau i dreulio’r Nadolig â nhw. Ein hostelau ni yw eu cymuned.
Helpwch ni i sicrhau bod pawb sy’n byw gyda ni ar ddiwrnod Nadolig yn cael cinio Nadolig.
Mae pobl digartref yn haeddu cael profi rhywbeth arbennig i godi eu calonnau dros fisoedd y gaeaf, boed nhw’n dathlu’r Nadolig neu beidio.
Rydyn ni eisiau rhoi anrheg gwerth tua £10 i bawb rydyn ni’n eu cefnogi.
Gweithred fechan a all olygu’r byd i rywun.
Bydd The Wallich yn cefnogi tua 4,000 o bobl yng Nghymru y gaeaf hwn.
Wrth i gostau byw barhau i achosi her i nifer, mae The Wallich yn gweithio’n ddi-flino i geisio sicrhau bod pob unigolyn sy’n byw ar y stryd, a’r rhai sydd mewn llety dros dro, yn cael y Nadolig gorau posibl.
Mae The Wallich wedi cofrestru â’r Rheoleiddiwr Arian ac yn Elusen Ddibynadwy.
Yn y gaeaf, rydyn ni’n cael llawer o eitemau ail-law yn roddion hael.
Siaradwch â’n Timau Codi Arian lleol cyn dechrau casgliad, er mwyn osgoi rhoi gormod o bethau sydd ganddynt yn barod.
Ebost: dosomething@thewallich.net