Mae McCann and Partners yn sefydliad o dde Cymru sy’n arbenigo mewn darparu’r ystod lawn o wasanaethau adeiladu sy’n gysylltiedig â systemau peirianneg mecanyddol, trydanol ac iechyd y cyhoedd.
Defnyddiodd eu swyddfeydd yng Nghaerdydd ac Abertawe eu holl amser ac adnoddau i gynllunio a threfnu digwyddiadau, cystadlaethau a diwrnodau elusennol i godi arian i’r bobl rydym yn eu cefnogi.
Defnyddiodd timau McCann and Partners sawl ffordd hwyliog ac arloesol o godi arian ar gyfer The Wallich. Dyma rai enghreifftiau o sut cyrhaeddon nhw eu targed:
Diwrnodau golff elusennol
Ym mis Mehefin 2018, cynhaliodd y tîm ddiwrnod golff elusennol yng Nghlwb Golff Radur. Cymerodd 20 o dimau ran yn y gystadleuaeth gyda Merriott UK yn ennill y wobr gyntaf.
Cododd y diwrnod golff gyfanswm o £2,612.25.
Cystadleuaethau Dodgeball
Ym mis Awst 2018, aeth saith tîm ati i gynnal cystadleuaeth dodgeball, a gynhaliwyd yn Atlantic Way CrossFit.
Cododd y gêm gyfeillgar y swm syfrdanol o £790.
Cyclone24
Y digwyddiad cofiadwy i McCann and Partners oedd yr her feicio 24 awr, a gynhaliwyd yn Felodrom Geraint Thomas, yng Nghasnewydd.
Gan gychwyn yr her ar 21 Hydref, diwrnod cyfan o bedlo di-ddiwedd, daeth y tîm yn y 12fed safle allan o 22 o dimau – canlyniad parchus iawn.
Cododd yr her gyfanswm o £945.
Roedd mentrau codi arian eraill yn cynnwys rhedeg 10k, cynnal cwisiau tafarn, diwrnodau gwisgo siwmperi Nadolig yn y swyddfa a rhaglenni colli pwysau i godi arian.
Dywedodd Mike Walmsley, Rheolwr Codi Arian Corfforaethol;
“Rydym yn hynod ddiolchgar i’r tîm yn McCann & Partners am godi dros £10,000 yn 2018 i gefnogi’r broses o ehangu ein darpariaeth lloches nos mewn argyfwng.
“Fe weithiodd y tîm yn ddiflino i gyflawni eu targed ac maen nhw wedi cynnig achubiaeth i bobl sy’n profi digartrefedd ar strydoedd Caerdydd.
“Mae cael cefnogaeth busnesau mor bwysig i’n gwaith ac ni allwn ddiolch digon i McCann am yr hyn maen nhw wedi’i wneud i’r Wallich a’r bobl rydym yn eu cefnogi.”