Mae’r Wallich yn lansio ymgyrch newydd sy’n edrych ar dirwedd lle mae iechyd meddwl mewn argyfwng, digartrefedd a defnyddio sylweddau yn digwydd ar y cyd yng Nghymru.
Yn ystod cyfnod cynnar y pandemig, rhwng mis Mawrth a mis Hydref 2020, bu ein staff cymorth sydd wedi’u hyfforddi’n arbennig yn helpu dros 4,000 o bobl a oedd yn ddigartref.
Mewn cyfnod o ansicrwydd, roedd un peth yn sicr. Roedd angen i ni barhau i ymateb i unrhyw un a oedd ein hangen ni.
Roedd 24 o’n gwasanaethau ledled Cymru yn cael eu hystyried yn ‘wasanaethau hanfodol’ a gweithiodd ein staff rheng flaen yn ddiflino i gynnig cymorth llety, lles, ariannol ac iechyd drwy gydol y cyfnodau clo.
Ar yr un pryd, datgelodd dadansoddiad data gan Mind bod mwy o bobl wedi profi argyfwng iechyd meddwl yn ystod pandemig y coronafeirws nag erioed o’r blaen.
Roedd ein staff yn fwy a mwy pryderus a rhwystredig oherwydd eu hanallu i sicrhau cymorth a chefnogaeth i bobl mewn argyfwng iechyd meddwl.
Mewn arolwg staff, a gwblhawyd gan The Wallich yn 2022:
Roedd 96% o’r staff a holwyd wedi cefnogi cleientiaid mewn argyfwng iechyd meddwl.
Roedd 95% wedi gofyn am gymorth gan Dimau Iechyd Meddwl Cymunedol (CMHT) neu Dimau Argyfwng.
Roedd 66% o’r staff a holwyd yn ei chael yn anodd iawn cael gafael ar y gefnogaeth hon ac nid oeddent yn fodlon â’r gefnogaeth a oedd ar gael.
Dywedodd 8% nad oedd unrhyw gefnogaeth ar gael.
Ac o ran yr anhawster i gael gafael ar gymorth yn ystod ac ar ôl y pandemig:
Mae 72% yn teimlo nad oes mynediad cystal at wasanaethau iechyd meddwl ar gael i bobl sy’n ddigartref, o’i gymharu â’r boblogaeth gyffredinol.
Mae 60% o’r staff a holwyd yn teimlo ei bod yn anoddach cael gafael ar gymorth iechyd meddwl i gleientiaid ers dechrau’r pandemig.
Penderfynom ymchwilio ymhellach i hyn ac rydym wedi anfon ceisiadau Rhyddid Gwybodaeth (FOI) at bob bwrdd iechyd, awdurdod lleol, heddlu a gwasanaeth ambiwlans yng Nghymru, yn ogystal â Llywodraeth Cymru.
Bydd yr ymgyrch ehangach hon, sy’n dwyn y teitl ‘Gohirio Iechyd Meddwl’, yn darparu tystiolaeth bod;
Yr argyfwng iechyd meddwl yn cael effaith anghymesur ar bobl sy’n ddigartref
Byddwn yn rhyddhau ein hadroddiad Gohirio Iechyd Meddwl yn 2023. Bydd yn cynnwys y canlynol:
Bydd yr adroddiad hefyd yn amlinellu atebion i’r argyfwng presennol – o’n safbwynt ni mewn ymateb i’r mater, ac argymhellion i eraill sy’n ariannu, yn comisiynu ac yn darparu gwasanaethau ledled Cymru.
Dewch yn ôl i edrych ar y dudalen hon i gael yr wybodaeth ddiweddaraf ac erthyglau cysylltiedig â’r ymgyrch, neu gofrestru i gael ein cylchlythyr.
