Pearl House

Cynllun tai â chymorth ym Mhont-y-pŵl

Mae Pearl House yn cartrefu 15 o bobl ar adeg pan maent wedi cael profiad o gysgu allan neu fathau eraill o ddigartrefedd yn Nhorfaen.

Mae’r gwaith adnewyddu, a wnaed gan Hedyn (Cartrefi Melin gynt), sy’n berchen ar yr adeilad, yn cynnwys nodweddion anhygoel sy’n gyfeillgar i’r amgylchedd.

Mae’r adeilad yn cynnwys paneli solar ffotofoltaig ar gyfer effeithlonrwydd ynni, a datrysiadau gwresogi carbon isel arloesol.

Bydd preswylwyr yn aros yn Pearl House am hyd at chwe mis tra byddant yn cael cymorth i symud ymlaen i lety mwy hirdymor.

Y gefnogaeth rydyn ni’n ei chynnig

Gall preswylwyr ddisgwyl fflatiau wedi’u dodrefnu’n llawn.

Mae pob fflat yn cynnwys ystafell wely, ystafell gawod en-suite a thoiled, a chegin waith, ystafell fwyta ac ystafell fyw.

Mae The Wallich yn darparu pecyn symud i mewn sylfaenol: dillad gwely, set o gytleri ac ati. Ar gyfer pob preswylydd.

Mae Gweithwyr Cymorth yn arbenigo ar ddigartrefedd yn Pearl House bob awr o’r dydd a’r nos.

Rydyn ni’n gweithio gyda phreswylwyr ar y camau nesaf ar gyfer tai a chymorth gyda llesiant, cyllidebu, iechyd meddwl, defnyddio sylweddau, dysgu, hyfforddiant a chyflogaeth.

Yn Pearl House, rydyn ni’n darparu gweithgareddau llesol a difyr i helpu i roi hwb i hyder, sgiliau a chyfleoedd i symud ymlaen a lleihau’r risg o ddychwelyd i ddigartrefedd.

Mae’r preswylwyr yn gallu defnyddio gwasanaethau gwerth ychwanegol arloesol The Wallich, fel BOOST Gwent a’r celfyddydau creadigol.

Yn The Wallich, rydyn ni’n gweithio gydag asiantaethau ychwanegol i ddarparu cymorth arbenigol wedi’i deilwra i anghenion yr unigolyn.

Mae The Wallich yn credu mai unigolion yw pobl sydd wedi profi digartrefedd a chaledi, a bod anghenion cymorth amrywiol a gwahanol ganddynt.

Profwyd y gall byw mewn Amgylcheddau sy’n Ystyriol o Gyflwr Seicolegol (PIE) eu helpu i wella.

Gwneir atgyfeiriadau i Pearl House drwy dîm Porth Tai Cyngor Torfaen

“Mae symud i Pearl House wedi newid fy mywyd, mae sefydlogrwydd yno ac rwy’n gallu gwneud pethau fel rwyf i fod i wneud.

Rwy’n ddigartref ers 4 blynedd ac mae wedi bod yn uffern, felly mae hyn yn mynd i newid fy mywyd.”

Anna-Marie, preswylydd yn Pearl House