Mae Tŷ Ireland Pen-y-bont ar Ogwr yn darparu llety â chymorth hirdymor i oedolion digartref, sydd naill ai’n gaeth i alcohol neu sydd â phroblemau alcohol difrifol
Mae’r prosiect yn brosiect ‘Gwlyb’, sy’n golygu y gall y preswylwyr ddal i yfed yn eu llety.
Drwy ddarparu amgylchedd diogel i’r preswylwyr, a chyda chefnogaeth staff gwybodus a phrofiadol, gall y prosiect helpu preswylwyr â’r broses o newid ac addasu eu hymddygiadau.
Beth i’w ddisgwyl:
- Mae gwneud preswylwyr yn fwy ymwybodol o’r opsiynau, y cyfleoedd a’r dewisiadau sydd ar gael iddyn nhw’n eu galluogi i wneud dewisiadau deallus drostyn nhw eu hunain.
- Mae’r opsiynau’n cynnwys yfed dan reolaeth, yfed llai neu stopio yfed – mae’r prosiect hefyd wedi’i gynllunio i gefnogi’r rhai nad yw hyn yn opsiwn iddyn nhw, yn y tymor hir neu’r tymor byr.
Mae staff y prosiect hefyd yn helpu preswylwyr i ddiwallu eu hanghenion cymorth unigol, gan gynnwys:
- Cael mynediad at wasanaethau gofal iechyd, asiantaethau budd-daliadau a darparwyr tai, a chysylltu â’r rhain
- Gwella sgiliau bywyd personol y preswylwyr er mwyn iddynt fod yn fwy annibynnol a gallu edrych ar ôl eu hunain
Gwneir atgyfeiriadau drwy Borth Cyngor Bwrdeistref Sirol Pen-y-bont ar Ogwr
