Ni yw un o’r elusennau digartrefedd cyntaf yn y wlad i elwa o gynllun ‘Mannau Lleol ar gyfer Byd Natur’ eleni.
Yn Llanelli, bydd gweithwyr cymorth a defnyddwyr gwasanaeth The Wallich yn creu gardd ar gyfer bywyd gwyllt a thyfu bwyd ar blot mawr o randir yn Ward Tyisha.
Mae Scott, sy’n cael cymorth gan The Wallich, yn egluro sut mae’r rhandir newydd yn helpu ei les:
“Rwy’n dod lan yma i fynd mas o’r fflat a gweithio. Rwy’n mwynhau’r gwaith.”
Yn ogystal â’r manteision amlwg o ran lles, bydd ein cleientiaid yn cael cyfle i ddysgu am fanteision amgylcheddol cadw gardd ac ennill sgiliau newydd y gallan nhw eu defnyddio fel hobi neu mewn swydd bosib yn y dyfodol.
Pan gafodd The Wallich y safle, dechreuodd y grŵp drwy glirio mieri, adeiladu sied a gwneud y safle’n fwy defnyddiol ar gyfer tyfu bwyd.
Ers hynny, mae’r grŵp wedi tyfu ffrwythau a llysiau a’u coginio gyda’i gilydd gan ddefnyddio’r cynnyrch i wneud prydau fel cawl.
Mae gweithgareddau amrywiol eraill wedi cael eu cynnal ar y safle, gan feithrin ymdeimlad o gymuned a lles, yn ogystal â thyfu bwyd. Mae hyn yn cynnwys dathliadau noson tân gwyllt, cwrs mewn ysgrifennu creadigol a chelf.
Un o uchafbwyntiau’r grŵp oedd Wythnos Wyddoniaeth Prydain, oedd yn cynnwys gweithgareddau ar ynni adnewyddadwy a gwyddoniaeth bwyd.
Mae cadw pobl yn brysur a chynnig balchder dysgu sgil newydd yn rhan o helpu pobl i symud ymlaen gyda’u bywydau ar ôl bod yn ddigartref.
Drwy ein cymorth sy’n seiliedig ar ddealltwriaeth o drawma, mae ein timau’n gweithio’n galed i gynnig mannau diogel, cydweithrediad ac ymddiriedaeth i helpu pobl i ffynnu. Bydd y rhandir newydd yn gwneud hynny.
Er mai’r rhandir yn Llanelli yw’r prosiect mwyaf ar y cyd â Mannau Lleol ar gyfer Natur Cadwch Gymru’n Daclus, mae chwech o brosiectau eraill The Wallich ar draws Cymru wedi derbyn pecynnau, gan eu galluogi i greu mannau newydd a diogel i ddefnyddwyr y gwasanaeth.
Mae’r holl blanhigion, offer a deunyddiau’n cael eu darparu am ddim gan Cadwch Gymru’n Daclus.
Y bwriad yn y tymor hir yw ehangu plot Llanelli, tyfu ein cynnyrch ein hunain a darparu blychau o ffrwythau a llysiau iach i ddefnyddwyr y gwasanaeth ar draws y sir.
“Roedden ni’n ddigon lwcus i gael pecyn Cadwch Gymru’n Daclus.
Mae’r rhandir yn lle diogel iawn i bobl ddod i eistedd a sgwrsio, gwneud ffrindiau newydd a chael rhannu unrhyw emosiynau.
Rydyn ni’n bwriadu cynnal gweithdai celf a cherddoriaeth, gwneud cawl a dosbarthu bocsys llysiau i’r gymuned.
Mae gennym ni lawer o waith i’w wneud cyn i ni gyrraedd yno, ond mae pawb yn rhan o’r gwaith ac allen ni ddim gofyn am fwy.
Rydw i’n meddwl mai’r peth pwysicaf rydyn ni’n ei dyfu yma yw cymuned.”
“Dros y deuddeg mis, mae mwy o bobl nag erioed wedi dod i werthfawrogi gwerth natur ar garreg eu drws. Ond rhaid cymryd camau ar frys i wrthdroi ei ddirywiad.
Rydyn ni’n wrth ein boddau bod gan The Wallich gyfle i wneud gwahaniaeth go iawn drwy’r fenter Mannau Lleol ar gyfer Byd Natur.
Rydyn ni’n gobeithio y bydd cymunedau eraill yn cael eu hysbrydoli i gymryd rhan.”
Mae’r fenter yn rhan o gronfa Mannau Lleol ar gyfer Byd Natur’ ehangach gan Lywodraeth Cymru, sydd wedi ymrwymo i greu, adfer a gwella natur ‘ar garreg eich drws’.
Mae cannoedd o becynnau gardd am ddim ar gael.
I wneud cais, ewch i wefan Cadwch Gymru’n Daclus
