Gwasanaeth Pobl Ifanc Pen-y-bont ar Ogwr

Mae Prosiectau Pobl Ifanc Pen-y-bont ar Ogwr yn cynnwys pedwar chynllun sy’n darparu llety a chymorth i bobl ifanc ddigartref yn yr ardal

Cynllun Pobl Ifanc 16-21

Mae’r cynllun MAC (Anghenion Cymhleth Amlasiantaeth) yn darparu llety â chymorth 24 awr i bum person ifanc digartref sydd rhwng 16 a 24 oed.

Mae gan y bobl ifanc anghenion cymhleth. Gall rhain gynnwys problemau ymddygiad, camddefnyddio sylweddau, problemau iechyd meddwl a hanes o droseddu.

Mae’r staff yn gweithio gyda’r bobl ifanc i roi sylw i’w hanghenion unigol. Maent yn gweithio ochr yn ochr ag asiantaethau eraill fel y gwasanaethau prawf, troseddwyr ifanc a chymdeithasol.

Y nod cyffredinol yw ceisio datblygu sgiliau byw’n annibynnol y person ifanc. Rydym yn ei alluogi i gadw’i denantiaeth pan fydd yn symud i’w lety ei hun, ac atal aildroseddu ac achosion o ddigartrefedd yn y dyfodol.

Gwasanaeth Pobl Ifanc 18-21

Mae’r Gwasanaeth Pobl Ifanc 18-21 yn darparu llety â chymorth a rennir a chefnogaeth i bobl ifanc ddigartref ym Mhen-y-bont ar Ogwr a Maesteg.

Mae staff ar gael 24 awr y diwrnod, 7 diwrnod yr wythnos. Rydym yn cefnogi’r bobl ifanc â’u datblygiad personol mewn materion fel:

• Llety
• Materion ariannol
• Ac iechyd corfforol a meddyliol
• Ffordd o fyw
• Addysg
• Cyflogaeth
• Pherthnasoedd

Mae’r bobl ifanc rydym yn canfod llety iddynt fel arfer yn cael cymorth am hyd at 12 mis. Maent yna yn symud ymlaen i’w cartref eu hunain.

Camwch i lawr

Darperir fflatiau sengl, a fflatiau a thai i’w rhannu, i hyd at 20 person ifanc digartref yn ardal Pen-y-bont ar Ogwr sydd ag anghenion cymorth llai dwys.

Bydd cymorth yn cael ei ddarparu am oddeutu blwyddyn fel arfer ac yn aml mae’n cynnwys help gyda’u datblygiad personol, gan ganolbwyntio’n benodol ar fyw’n annibynnol.

Rydym hefyd yn cynnig gwasanaeth allgymorth i bobl ifanc ar ôl iddynt symud ymlaen o un o’r tri chynllun i’w llety annibynnol eu hunain.

Gwasanaeth Argyfwung Tenantiaid

Rydyn ni’n darparu cymorth i hyd at 40 o bobl ifanc y mae eu tenantiaeth mewn perygl, sy’n syrffio soffas neu sy’n byw mewn llety gwely a brecwast.

Rydyn ni’n cefnogi’r bobl ifanc i gynnal eu tenantiaeth neu i gael llety mwy diogel ac addas.

Mae’r Wallich yn credu mai unigolion ag anghenion cymorth amrywiol a gwahanol yw pobl ddigartref ac agored i niwed.

Profwyd y gall byw mewn Amgylchedd sy’n Ystyriol o Feddylfryd Seicolegol (PIE) helpu i’w hadfer yn llwyddiannus.

Rydyn ni eisiau darparu gwasanaethau arloesol sy’n seiliedig ar ddealltwriaeth o drawma, fel ein prosiectau i bobl ifanc ym Mhen-y-bont ar Ogwr. Ymdrechwn i gyfateb pobl cystal ag y gallwn â chymorth sy’n addas iddyn nhw.

I gael rhagor o wybodaeth am y prosiect, neu i ofyn am wybodaeth am atgyfeirio, cysylltwch â ni.