Ceredigion
Rydym yn cynnig gwasanaeth cymorth dwys a hyblyg i fynd i’r afael yn gyflym â’u hanghenion uniongyrchol mewn argyfwng.
Mae gan bob person yn y prosiect weithiwr cymorth, sy’n gweithio gyda nhw i ganolbwyntio ar feysydd allweddol sy’n eu rhwystro rhag dod o hyd i lety. Gallai hyn gynnwys defnyddio sylweddau, anghenion iechyd meddwl, neu gysylltiadau cymdeithasol.
Mae’r cymorth a roddir yn helpu pobl i fod yn wydn, magu hyder, lleihau niwed, a datblygu’r sgiliau personol a chymdeithasol sydd eu hangen arnyn nhw i gadw eu tenantiaeth.
Mae’r cymorth hwn ar gyfer pobl dros 18 oed yng Ngheredigion nad oes ganddyn nhw fynediad uniongyrchol at lety sefydlog. Mae’n bosibl bod y bobl sy’n cael cymorth gan y gwasanaeth hwn yn wynebu’r sefyllfaoedd canlynol:
Pan fydd person newydd yn cael ei gyflwyno i’r prosiect, byddwn yn gweithio gyda’n gilydd i greu cynllun ar gyfer cael cymorth a thai. Mae hyn yn canolbwyntio ar annog a chefnogi pobl i wneud eu dewisiadau eu hunain. Rydym yn eu cefnogi i gael eu tenantiaeth eu hunain ac i’w chadw.
Mae’r cymorth yn cynnwys:
Mae The Wallich yn credu bod pobl sy’n ddigartref, neu mewn perygl o fod yn ddigartref, yn unigolion ag anghenion cymorth gwahanol ac amrywiol. Yn ôl ymchwil, mae byw mewn Amgylchedd sy’n Ystyriol o Gyflwr Seicolegol (PIE) yn gallu bod yn fanteisiol i adferiad llwyddiannus.
Rydym yn awyddus i ddarparu gwasanaethau arloesol sy’n ystyriol o drawma sy’n cysylltu pobl â chymorth addas iddyn nhw.
Mae pob atgyfeiriad ar gyfer y prosiect hwn yn cael ei wneud drwy Gyngor Sir Ceredigion. Gallwch gysylltu â’r gwasanaeth tai drwy ffonio’r ganolfan gyswllt ar 01545 570881 neu drwy anfon e-bost at housingoptions@ceredigion.gov.uk.
