Llwybrau at Waith

Bydd Llwybrau at Waith yn cefnogi unigolion sydd â phrofiad uniongyrchol o’r system cyfiawnder troseddol

Mae Llwybrau yn cynnig cymorth i wella sgiliau, ennill cymwysterau a chynyddu eu cyflogadwyedd, er mwyn iddynt allu sicrhau cyflogaeth gynaliadwy neu gael mynediad at ddysgu pellach.

Mae’r gwasanaeth yn cynnwys cymorth sy’n benodol i rywedd ar gyfer menywod a phobl sydd mewn perygl o fod yn ddigartref er mwyn iddynt fanteisio ar gyfleoedd addysg, hyfforddiant a chyflogaeth ledled Abertawe.

Rydyn ni’n gweithio mewn partneriaeth â Charchar Ei Fawrhydi Abertawe, Cyngor Abertawe ac asiantaethau eraill. Nod y prosiect yw chwalu unrhyw rwystrau a allai atal rhywun sydd â chofnod troseddol rhag symud ymlaen. Rydyn ni’n helpu i fagu hyder, gwytnwch a gwella llesiant.

Gan ddefnyddio dull sy’n seiliedig ar gryfderau, bydd mentor yn cael ei neilltuo i bawb a fydd yn cyd-ddatblygu cynllun dysgu unigol i greu llwybr tuag at eu nodau hirdymor.

Defnyddir ymarfer myfyriol i fesur cynnydd ac asesu anghenion. Gan gydnabod pa mor gyffredin yw trawma a’i effaith, gall unigolion hefyd gael gafael ar gwnsela mewnol uniongyrchol drwy ein gwasanaeth Rhwydwaith Myfyrio.

I gael rhagor o wybodaeth am y gwasanaeth, neu i ofyn am wybodaeth am atgyfeirio, cysylltwch â ni.