Wrecsam
Stjohns@thewallich.net
01978 353495
Mae Hostel St John’s yn cynnig llety diogel dros dro i bobl sy’n ddigartref yn Wrecsam
Mae Richmond House yn cynnig 12 gwely i bobl sy’n ddigartref.
Mae gan breswylwyr eu hystafell wely eu hunain, a chyfleusterau cegin ac ystafell ymolchi sy’n cael eu rhannu.
Mae nifer o lolfeydd teledu ac ystafell weithgareddau er mwyn sicrhau bod gan breswylwyr le i gael adloniant a lle i ymlacio.
Er mwyn cefnogi pob preswylydd drwy gydol ei daith, mae pob un yn cael Gweithiwr Cefnogi.
Mae Richmond House yn cynnig llety byw â chymorth, 24 awr y dydd.
Mae’r tŷ ar gyfer pobl sydd wedi profi digartrefedd a nifer o anghenion sy’n gorgyffwrdd.
Rydyn ni’n teilwra’r cymorth i’r unigolyn a’i anghenion ef neu hi, gan ddiwallu’r anghenion lle bynnag maen nhw, a chymryd camau tuag at nod mae eisiau ei gyrraedd.
Rydyn ni’n gweithio ar y cyd â’r awdurdod lleol a gwasanaethau lleol, fel Hafan Wen ac uned iechyd meddwl Plas Gorau, i helpu trigolion gyda’u hanghenion.
Mae’r tîm yn Richmond House yn cynnwys chwech Uwch Weithiwr Cefnogi arbenigol a Gweithwyr Cefnogi dros Nos.
Gall ein preswylwyr ymgysylltu â gwasanaethau amrywiol yn The Wallich, gan gynnwys Y Rhwydwaith Myfyrio, prosiectau llesiant ac ymgysylltu i’w cefnogi 365 diwrnod y flwyddyn.
Mae gweithwyr cefnogi yn helpu preswylwyr i wneud y canlynol:
- Datblygu’r sgiliau byw’n annibynnol sydd eu hangen i gynnal tenantiaeth
- Hwyluso mynediad at wasanaethau eraill fel gofal iechyd, hyfforddiant neu addysg
- Datblygu hunanhyder
- Dysgu sgiliau cyllidebu
- Dysgu sgiliau coginio
- Mynd i apwyntiadau â gwasanaethau allanol fel meddyg teulu, ysbyty a gwasanaethau iechyd meddwl
- Mwynhau ac ymlacio drwy gynnal gweithgareddau fel cwisiau cerddoriaeth a diwrnodau allan ym mynyddoedd Cymru
Mae The Wallich yn credu bod gan bobl sy’n ddigartref, neu sydd mewn perygl o fod yn ddigartref, anghenion cymorth gwahanol ac amrywiol.
Mae ymchwil yn dangos bod byw mewn Amgylchedd sy’n Ystyriol o Gyflwr Seicolegol (PIE) yn gallu helpu pobl i adfer yn llwyddiannus.
Rydyn ni eisiau darparu gwasanaethau arloesol ac ystyriol o drawma sy’n cysylltu pobl â chymorth addas iddyn nhw.
Daw atgyfeiriadau i Richmond House yn uniongyrchol gan y tîm digartrefedd yng Nghyngor Bwrdeistref Sirol Wrecsam.
I gael rhagor o wybodaeth am y prosiect, neu i ofyn am wybodaeth am atgyfeirio, cysylltwch â ni.
Beth mae ein staff yn ei ddweud
“Gall fod yn anodd iawn gweld pobl yn dioddef, ond gydag amser, empathi a’n cefnogaeth ni, mae’n anhygoel gweld pobl yn gweddnewid pethau. Mae’n gwneud y swydd yn werth chweil ac yn gwneud i mi deimlo’n ffyddiog y gall unrhyw un newid.”
– Aelod o staff The Wallich Richmond House
“Mae gweithio i The Wallich yn wych. Mae hi’n elusen hynod garedig i weithio iddi ac mae’n rhoi’r adnoddau i ni ddatblygu yn ein swyddi.”
– Aelod o staff The Wallich Richmond House
Pobl sydd wedi byw yn Richmond House
“Doeddwn i erioed yn meddwl y byddwn i’n mynd i ganŵio, ond roedd o’r diwrnod gorau erioed.”
– Un o breswylwyr Richmond House
“Roeddwn i eisiau diolch i chi am bopeth rydych chi’n ei wneud, ac am fy nghefnogi i drwy amseroedd anodd pan mae fy iechyd meddwl yn wael. Mae dod i siarad â staff wedi fy nghadw i rhag gwneud dewisiadau drwg.”
– Un o breswylwyr Richmond House
“Rydw i mor falch pan fydd cŵn yn yr hostel, maen nhw’n dod â theimlad mor braf i mi, teimlad diogel yn fy nghalon.”
– Un o breswylwyr Richmond House
“Gallaf ddod i’ch gweld bob amser a bod yn onest gyda chi.”
– Un o breswylwyr Richmond House
