Tai yn Gyntaf Abertawe

Mae Tai yn Gyntaf Abertawe yn darparu cymorth tai i bobl 18 oed a hŷn sy’n profi digartrefedd neu’n cysgu allan

Mae tîm Tai yn Gyntaf Abertawe yn gweithio’n agos gyda’r cyngor a landlordiaid cymdeithasol i helpu pobl i symud yn syth i gartref parhaol, yn  hytrach nag atebion dros dro fel hosteli.

Ar ôl cael eu cartrefu, mae tîm Tai yn Gyntaf Abertawe yn cynnig cymorth dwys, cofleidiol i’w helpu i ymgartrefu a chynnal eu cartref.

Mae Tai yn Gyntaf Abertawe yn canolbwyntio ar gryfderau pobl, ac nid eu problemau’n unig.

Mae’r cymorth yn hyblyg ac wedi’i ddatblygu o amgylch anghenion yr unigolyn, gan helpu gyda’r canlynol:

• Cyllidebu
• Budd-daliadau
• Cyflogaeth
• Lleihau Niwed

Mae’r tîm yn gweithio’n rhagweithiol gyda gwasanaethau eraill yn Abertawe i annog ymgysylltiad ag iechyd meddwl, cymorth o ran defnyddio sylweddau a llesiant.

Beth i’w ddisgwyl wrth Tai yn Gyntaf Abertawe

Mae ein ffordd o weithio yn dilyn egwyddorion craidd Tai yn Gyntaf:

• Yr hawl i gael cartref o ansawdd da
• Cefnogaeth hyblyg, hirdymor
• Gwahanu tai a chymorth
• Dewis, rheolaeth a gosod nodau
• Dulliau ymgysylltu gweithredol a lleihau niwed
• Ystyriol o gyflwr seicolegol, cynhwysol ac aml-asiantaeth

Pwy all gael mynediad at Tai yn Gyntaf Abertawe?

Mae darpar gleientiaid yn cael eu nodi drwy’r canlynol:

• Cofrestr Digartref Opsiynau Tai
• Cyfarfodydd Achosion Cymhleth
• MARAC (Cynhadledd Amlasiantaeth Asesu Risg)
• Asiantaethau eraill

Caiff pob atgyfeiriad ei drafod gydag Opsiynau Tai Abertawe cyn i gymorth gael ei gynnig.

Mae Tai yn Gyntaf Abertawe yn bartneriaeth rhwng The Wallich, Kaleidoscope a Chyngor Abertawe, gan gydweithio i ddod â digartrefedd i ben am byth.

Am fwy o wybodaeth ynglŷn â Tai yn Gyntaf Abertawe, cysylltwch â ni.