Côr heb Enw

Côr newydd hwyliog a chroesawgar yng Nghaerdydd sy’n cynnwys pobl sydd wedi profi digartrefedd ac unigrwydd

Rydyn ni’n edrych ymlaen at lansio’r côr newydd hwn, mewn partneriaeth â’n ffrindiau yn y Côr heb Enw.

 

Rydyn ni’n edrych ymlaen at groesawu pobl y mae digartrefedd ac unigrwydd wedi effeithio arnyn nhw yng Nghaerdydd.

Nid oes rhaid talu i ymuno â’r côr ac nid oes angen unrhyw brofiad canu arnoch – dim ond galw draw.

Rydyn ni’n canu pob math o gerddoriaeth, gan gynnwys pop, soul, roc, reggae a mwy.

Mae côr Caerdydd yn seiliedig ar y syniad bod canu mewn côr yn rhoi hwb i chi, yn tynnu eich sylw oddi ar fywyd bob dydd, ac yn eich galluogi i fod yn rhan o gymuned hwyliog a chroesawgar.

Bydd yr ymarferion yn cael eu cynnal rhwng 6pm a 7.30pm bob nos Fawrth

Beth i’w ddisgwyl gan y Côr Heb Enw

• Dim proses clyweliad
• Nid oes rhaid i chi ymrwymo i fod yn bresennol bob wythnos
• Yn anffodus, nid yw’r côr yn gallu talu am gludiant aelodau i ymarferion wythnosol, ond anogir aelodau i siarad â’r Rheolwr Côr, os oes problem benodol.
• Mae lluniaeth yn cael ei ddarparu
• Bydd y côr yn cynnwys cyfleoedd i fynychu gigs a digwyddiadau, yn ogystal â dysgu sgiliau newydd

Er nad oes pwysau i fod yn bresennol, byddai’n ddefnyddiol pe bai defnyddwyr gwasanaeth (neu eu gweithwyr cefnogi) yn gallu rhoi gwybod i ni os ydyn nhw’n bwriadu dod i’r sesiwn gyntaf.

Mae’r côr yn agored i bobl o unrhyw wasanaeth, nid gwasanaeth The Wallich yn unig.

Bydd disgwyl i bawb sy’n bresennol ddilyn y gweithdrefnau diogelwch COVID sydd ar waith er mwyn cadw pawb yn ddiogel.

“Sut bynnag dw i’n teimlo, mae’r croeso cynnes dw i’n ei gael bob amser yn codi fy nghalon. Mae bod yn rhan o’r côr yn help emosiynol i mi, a phryd bynnag byddaf yn teimlo’n isel mae canu yn codi fy ysbryd.”
– Aelod o’r Côr heb Enw