Bwrdd Cysgodol

Grŵp o unigolion sydd â phrofiad bywyd o’n gwasanaethau, nawr neu yn y gorffennol, ydy Bwrdd Cysgodol The Wallich

Mae’r Bwrdd Cysgodol yn cwrdd yn rheolaidd er mwyn hysbysu, gwella a chydgynhyrchu gwasanaethau The Wallich.

Mae’n gweithio’n agos â Phrif Swyddog Gweithredol, uwch dîm a Bwrdd Ymddiriedolwyr The Wallich.

Beth mae’r Bwrdd Cysgodol yn ei wneud?

Mae’r Bwrdd Cysgodol yn rhoi persbectif unigryw a llais i ddefnyddwyr gwasanaethau ledled Cymru.

Dyma sut mae’r Bwrdd yn cael effaith ar wasanaethau The Wallich:

• Darparu adborth ac ymgynghoriad gwerthfawr ar sut mae gwasanaethau The Wallich yn cael eu rhedeg
• Cynorthwyo â thendrau a cheisiadau am gyllid
• Eistedd ar baneli cyfweld neu roi ymgeiswyr ar restr fer
• Gwirio synnwyr mewn perthynas â mentrau a gwasanaethau newydd
• Cynrychioli The Wallich mewn digwyddiadau, gan rannu eu profiadau â rhanddeiliaid, staff a defnyddwyr eraill y gwasanaeth
• Cyd-gynhyrchu a chyd-ddylunio polisïau a gweithdrefnau

Manteision bod ar y Bwrdd Cysgodol

• Hyfforddiant proffesiynol a chefnogaeth i ddatblygu sgiliau sy’n gysylltiedig â gwaith a chynyddu hyder

Hyd yma, mae’r Bwrdd Cysgodol wedi ymgynghori a gweithio ar y canlynol:

• Dylunio holiaduron, paneli cyfweld ac is-grwpiau prosiect BOOST Gwent ar gyfer pobl sydd â phrofiad bywyd
• Pwyllgor Cyllid Llywodraeth Cymru ynghylch ei ddrafft o’r gyllideb ar gyfer blwyddyn ariannol 24/25
• Y tîm Cyfranogiad a Chynnydd ynghylch prosiect cyflogadwyedd – Grisiau at Gynnydd
• Uwch dîm The Wallich ynghylch gwreiddio cynaliadwyedd a materion gwyrdd

Ymwneud â:

• Gweithdai gyda’n rhwydwaith Cydraddoldeb, Amrywiaeth a Chynhwysiant a dylanwadu ar y rhwydwaith yn enw’r panel Cydraddoldeb, Amrywiaeth a Chynhwysiant
• Gweithdai gyda thîm Pobl a Thalent The Wallich ynghylch enwau rolau staff
• Gweithdai gyda Phrif Swyddog Gweithredol The Wallich, Lindsay Cordery-Bruce ynghylch llywodraethu yn The Wallich
• Ffilmiau gyda Senedd Cymru i rannu barn

Mynychu:

• Digwyddiad cynnwys y cyhoedd gyda Phrifysgol Caerdydd ynghylch Tîm Atal Trais y GIG i ymgynghori ar gynllunio’r adran newydd hon
• Cyfarfod â’r Bwrdd Ymddiriedolwyr a chydgynhyrchu Maniffesto
• Y Senedd a chymryd rhan mewn taith a gwylio’r ddadl am y gyllideb yn dilyn yr ymgynghoriad

Cydgynhyrchu:

• Cynllun recriwtio’r Bwrdd Cysgodol ar sut i gyrraedd defnyddwyr gwasanaeth
• Cynllun hyfforddiant ar gyfer y Bwrdd Cysgodol i gryfhau’r Bwrdd a chefnogi cynnydd yr aelodau
• Cylch gorchwyl – a elwir yn Biwsbrint y Bwrdd Cysgodol
• Cynllun dysgu SMART gyda gwasanaeth Mentora Cymheiriaid newydd Gogledd Cymru
• Grŵp Diogelu’r Bwrdd Cysgodol

Maniffesto’r Bwrdd Cysgodol ac Ymddiriedolwyr

Gwybodaeth wahanol yn dod at ei gilydd i roi diwedd ar ddigartrefedd

Mae’r Maniffesto hwn yn gytundeb rhwng Bwrdd Cysgodol a Bwrdd Ymddiriedolwyr The Wallich.

Mae’n amlinellu sut maen nhw’n bwriadu gweithio gyda’i gilydd, gan ddefnyddio gwybodaeth wahanol i roi diwedd ar ddigartrefedd a chefnogi pobl sy’n ddigartref.

Cafodd y Maniffesto ei greu drwy sgyrsiau â’r ddau Fwrdd fel rhan o brofiad dysgu ym mis Mehefin 2023.

Mae’n cynnwys nodau o ran sut mae cydweithio a beth maen nhw eisiau ei gyflawni i sicrhau bod y Byrddau’n unedig, yn aros ar y trywydd iawn ac yn sicrhau newid.

Gyda’n gilydd – nid yw’n golygu’r hyn y gall rhywun ei wneud i rywun arall, ond yr hyn y gallwn ei wneud gyda’n gilydd – i wella’r profiad i bawb.

Wrth i ddau Fwrdd ddod at ei gilydd, rydyn ni’n addo’r canlynol

Rydyn ni’n ddewr

• Cynnig a chroesawu’r her
• Creu hud
• Ysbrydoli newid

Rydyn ni’n benderfynol

• Bod yn gynhwysol
• Gwrando a chlywed lleisiau pawb
• Dal ein gilydd yn atebol yn ein gweledigaeth

Rydyn ni’n ddilys

• Golygu’r hyn rydych chi’n ei ddweud, a dweud yr hyn rydych chi’n ei olygu
• Byddwn yn agored â’n gilydd
• Byddwn yn parchu cryfderau a phrofiadau ein gilydd

Rydyn ni’n dosturiol

• Byddwn yn dathlu llwyddiannau gyda’n gilydd
• Bod yn garedig a pheidio â bod yn dwll t*n
• Byddwn yn cefnogi pobl i gyfrannu sut maen nhw eisiau

Rydyn ni’n gymuned

• Rydyn ni’n gwbl unedig i rymuso ein cymuned
• Fel cymuned rydyn ni’n tyfu gyda’n gilydd drwy ddysgu o brofiadau bywyd ein gilydd
• Diogelu ein cymuned gydag amynedd a dealltwriaeth

“I mi, mae’r Bwrdd Cysgodol yn ymwneud ag ymrwymiad, dealltwriaeth, cyfathrebu a pherthyn.

Mae’n rhoi cyfle i mi wneud gwahaniaeth sy’n helpu pobl eraill.”

– Dean, aelod o’r Bwrdd Cysgodol

“Mae’r Bwrdd Cysgodol yn gwneud yn siŵr ein bod yn gwneud penderfyniadau a chynlluniau gyda’n gilydd. Does dim ‘nhw a ni’, rydyn ni i gyd yn brwydro gyda’n gilydd i roi diwedd ar ddigartrefedd.”

– Lindsay Cordery-Bruce, Prif Swyddog Gweithredol The Wallich

Profiad Aled ar y Bwrdd Cysgodol

“Dechreuais gyda’r Bwrdd Cysgodol tua phedwar mis yn ôl. O’r cychwyn cyntaf cefais groeso, ac roedd pawb mor gyfeillgar.

Rwyf wedi cael nifer o brofiadau yn barod yn ystod fy nghyfnod byr gyda’r Bwrdd.

Ymunais â’r Bwrdd gan ddisgwyl iddo fod yn stryd un ffordd. Byddwn i yno i roi fy marn a dyna hi, ond dydy hi ddim fel yna o gwbl.

Mae wedi datblygu’n gymuned glos sy’n parchu ei gilydd lle mae pawb yn cael effaith.

Y dyfyniad gorau y gallaf feddwl amdano sy’n addas i’r Bwrdd Cysgodol yw:

Nid yw’n golygu’r hyn y gall rhywun ei wneud i rywun arall, ond yr hyn y gallwn ni ei wneud i’n gilydd i wella’r profiad i bawb.

Rwy’n gobeithio bod hynny’n gwneud synnwyr; rydyn ni i gyd yn gweithio i wella The Wallich, y gwasanaeth mae staff yn ei ddarparu, a bywydau’r defnyddwyr gwasanaeth, drwy ddefnyddio ein profiad bywyd.

Credaf mai dyna’r peth mwyaf gwerthfawr sy’n digwydd ar hyn o bryd gan fod y Bwrdd yn cynnwys unigolion o bob math o gefndiroedd.

Mae The Wallich yn brwydro i roi diwedd ar ddigartrefedd, felly beth am gael unigolion sydd â phrofiad bywyd o ddigartrefedd i helpu.

Dyma’r peth gorau am Fwrdd Cysgodol The Wallich.

Mae wedi dod ag unigolion sydd â gwahanol brofiadau at ei gilydd i helpu i ddylanwadu ar y broses o wneud penderfyniadau. Mae’n anhygoel ac yn fy marn i mae’n gysyniad y dylai pobl eraill ei fabwysiadu.”

Allwch chi gynnig hyfforddiant, profiadau neu gyfleoedd arbenigol i’n Bwrdd Cysgodol Defnyddwyr Gwasanaeth?

Cysylltwch â’n Cydlynydd Cydgynhyrchu a Phrofiad Bywyd.